Ekipi ynë

Ne jemi një ekip i larmishëm vullnetarësh. Vizioni ynë i përbashkët eshte nxitja e zbulimit të historisë dhe mendimit shqiptar e protestant.

Femi Cakolli

Komiteti ekzekutiv

Dr. Cakolli e përfundoi doktoraturën në Fakultetin Filologjik të Universitetit të Prishtinës, me specialitet letërsinë historike dhe biblike shqiptare. Ai është pastor, autor dhe botues. Biografia e plotë.

Xhevat Lloshi

Kryekëshillues për gjuhësinë shqipe

Prof. dr. Xhevat Lloshi është gjuhëtar i shquar, autor i shumë shkrimeve dhe zëri më i autoritetshëm për zhvillimin e gjuhës shqipe nëpërmjet përkthimeve të Biblës. Ai është dhe kontribuues i ISShP. Biografia e plotë.

Teuta Toska

Komiteti ekzekutiv

Prof.as.dr. Toska është hulumtuese, redaktore dhe zëvendësdekane në Fakultetin e Shkencave Humane në Universitetin “Aleksandër Xhuvani” të Elbasanit. Ajo ka analizuar tekste të hershme biblike shqip dhe redakton botimet e ISShP. Biografia e plotë.

Diana Dako Hoxha

Këshilltare

Diana Dako Hoxha është mbesa e Sevasti Qiriazi Dakos dhe Kristo Dakos, dhe u rrit nga motra e gjyshes së saj, Parashqevi Qiriazi. Ajo studioi në Fakultetin Filologjik në Tiranë dhe punoi si mësuese e gjuhës angleze përpara se të shpërngulej në Shtetet e Bashkuara të Amerikës me familjen e saj.

David Hosaflook

Drejtor ekzekutiv

David Hosaflook ka jetuar në Shqipëri që nga viti 1992. Po përfundon doktoraturën në historinë shqiptare në Universitetin e Tiranës. Ka përkthyer dhe redaktuar veprën klasike të Marin Barletit në shekullin XVI, Rrethimi i Shkodrës. Bibliografia e plotë.

John Quanrud

Komiteti ekzekutiv

Dr. Kuanrud jetoi në Ballkan për më tepër se dhjetë vjet, duke hulumtuar dhe botuar materiale për protestantët. Ka shkruar dhe një biografi për Gjerasim Qiriazit. Doktoraturën e përfundoi më 2014 në Universitetin e Notingamit në historinë tekstuale. Biografia e plotë.

Ledio Hala

Asistent për kërkime shkencore dhe redaktime

Ledio është duke ndjekur studimet e doktoratës në Gjuhësi të Përgjithshme në Universitetin e Hamburgut. Ai ka përfunduar studimet master në Albanologji në LMU Mynih dhe punon si lektor i shqipes në Universitetin e Regensburgut dhe në Universitetin e Zyrihut. Ai angazhohet gjithashtu në punë kërkimore dhe redaktuese për projektet e ISShP-së.

Robb Provost

Bordi mbikëqyrës

Z. Provost mban dy shtetësi: shqiptare dhe amerikane. Ai është themeluesi dhe kryetari i Qendrave Linkoln në Shqipëri. Ka marrë Medaljen e Linkolnit për përpjekjet e tij në promovimin e jetës dhe trashëgimisë së Abraham Linkolnit. Provost kryeson bordin mbikëqyrës të ISShP-së.

Bertina Salliu

Asistente për kërkime shkencore dhe administrim

Bertina përfundoi masterin në fushën e historisë në Universitetin e Tiranës me një temë diplome për Aleksandër Tomsonin dhe marrëdhënien e Shoqërisë Biblike me figurat kombëtare shqiptare të shekullit XIX. Ajo asiston pranë stafit të ISShP pothuajse në gjithçka!rtina

Ardita Shehu

Këshilluese për çështje financiare

Ardita është themeluese e “OJF Finance & Konsultim” dhe e rrjetit “Women with Impact” (WIN). Ajo gjithashtu shërben si Drejtoreshë Finance e Shoqërisë Kristiane të Burgosurve të Shqipërisë dhe këshillon ISShP-në për çështjet financiare, raportimin dhe respektimin e rregulloreve të OJQ-ve.

Mal Berisha

Këshillues

Mal Berisha ka qenë ambasador i Shqipërisë në Mbretërinë e Bashkuar. Ka shërbyer dhe si konsull i përgjithshëm në Stamboll, me UNMIK-un dhe me “Vatrën”. Ambasadori Berisha ka kryer hulumtime të hollësishme për misionarët protestantë. Biografia e plotë.

Dana Stucky (1951–2018)

Bashkëthemeluese

Dana Stucky ka qenë hulumtuese dhe shkruese e pasionuar për lëvizjen e arsimit të femrave dhe atij ungjillor në Shqipëri. Ka udhëtar në arkiva dhe biblioteka në mbarë botën. Ka jetuar për rreth njëzet vjet në Korçë dhe ishte një themeluese e ISSHP.